下午食早餐-18GRAMS@家樂坊

好細個既時候,爸爸媽媽帶我去過一間叫做"美國餐廳".無起錯係旺中地庫.

有個好深刻印象,因為個MENU好大本(又高又好重),同埋每樣ITEM都編晒號碼.喺當時O的餐廳係好少有架.

而就因為依間餐廳,令到我知道原來有ALL DAY BREADFAST依樣野~
早餐並唔係一定要早上食的.

本人有特別愛好,就係好鍾意食早餐.同埋好鍾意食蛋.唔同類型o既蛋.

今日就出左旺角閒逛,走左去18GRAMS 喺下晝食個早餐.

其實18GRAMS我唔係第一次去啦,但之前一次喺銅鑼灣分店又要座街邊,旺角個次食晚飯時間又比人眼BEAR BEAR.(因為想我快D走.),所以都無好好食真啲飲真啲.今次時間正晒,兩點左右~可以慢慢嘆下:

我地點左: CANADA STYLE ALL DAY BF AND EGG BENEDICT WITH PRAWN.

飲品就係ICE LATTE AND ICE MINT CHOCOLATE.

CANADA STYLE ALL DAY BF: 一慣早餐水準,不過不失.

EGG BENEDICT WITH PRAWN: JO-E推介. 精華在於面層嘅沙律醬.唔知大家會唔會有時食BENEDICT,由於個蛋太厚切嘅關係,好濟.成日都食唔晒一份. 但加左個沙律醬喺面,令整件事唔同左, 個醬中和左令到個BENEDICT又無咁膩喎~值得試.唔鍾意跟蝦,佢地仲有其他選擇架.

飲品: PASS (之前飲過熱飲,咖啡唔錯的)

埋單成為$260

REMINDER: 由於座位唔多,都係避開繁忙時間.如果唔係又係排到你傻.

同場加映:

HOLIKA HOLIKA 今日有新舖喺旺角開張,就係兆萬轉彎個間大舖.厲害,整條街都係韓國化妝品啦.....

仲有巧遇BATHING APE雪糕車,整返杯先~